ഇന്നു ഒരു നാടകത്തിനു കൂടി അന്ത്യം ആയിരിക്കുന്നു. മന്മോഹന് സിങ് നേതൃത്വം നല്കുന്ന മന്ത്രിസഭ ലോക്സഭയുടെ വിശ്വാസം നേടുന്നതില് വിജയിച്ചിരിക്കുന്നു. ജനാധിപത്യത്തിന്റെ ആ പരമോന്നത വേദിയില് എന്തെല്ലാം ദൌര്ഭാഗ്യകരങ്ങളായ സംഭവങ്ങളാണ് നടന്നത് എന്നതിനെ സംബന്ധിക്കുന്ന ചില റിപ്പോര്ട്ടുകള് വ്യത്യസ്ത വാര്ത്താമാധ്യമങ്ങളില് വന്നത് കാണുകയായിരുന്നു ഞാന് ഇതു വരെ. നമ്മുടെ ജനാധിപത്യസംവിധാനത്തിന്റെ മൂല്ല്ല്യം എത്രമാത്രം അധഃപതിച്ചു എന്നതിനുള്ള ഏറ്റവും വലിയ ദൃഷ്ടാന്തങ്ങളാണ് കഴിഞ്ഞ രണ്ടു ദിവസമായി സഭയില് നടന്നത്. പല മാധ്യമങ്ങളും എറ്റവും ഖേദകരമായി വിവരിക്കുന്നത് പാര്ലമെന്റ് മന്ദിരത്തിന് അകത്തു അംഗങ്ങള് നോട്ടുകെട്ടുകള് കൊണ്ടുവന്ന നടപടിയാണ്. സാധാരണ കുതിരിക്കച്ചവടം കഴുതക്കച്ചവടം എന്നെല്ലാം കേട്ടു മാത്രം ശീലിച്ചവരാണ് നമ്മള്. എന്നാല് ഇന്നു അതിനു തെളിവു സഹിതം അംഗങ്ങള് നമ്മളെ കാണിച്ചുതന്നിരിക്കുന്നു. ഇതും ഇവിടെ നടക്കുമെന്ന്. അതില് വലിയ അത്ഭുതം ഒന്നും ഇല്ലെന്നണ് ഞാന് കരുതുന്നത്. പാര്ലമെന്റില് ചോദ്യം ചോദിക്കുന്നതിനു പോലും കൈക്കൂലിവാങ്ങിച്ച മഹാന്മാര് നമുക്കുണ്ടെന്ന സത്യം നാം മറക്കരുത്. നമ്മ...