ഡോക്ടർ മൻമോഹൻ സിങ് അന്തരിച്ചു. നരസിംഹ റാവുവിന്റെ ക്യാബിനറ്റിൽ ഭാരതത്തിന്റെ ധനകാര്യമന്ത്രിയായി നവ ഉദാരവൽക്കരണ നയങ്ങളിലൂടെ ഭാരതത്തിന്റെ സാമ്പത്തിക വളർച്ചയ്ക്ക് തുടക്കം കുറിച്ച സാമ്പത്തിക വിദഗ്ദ്ധൻ. പിന്നീട് രണ്ടു വട്ടം ഭാരതത്തിന്റെ പ്രധാനമന്ത്രി ആയെങ്കിലും സോണിയ ഗാന്ധിയുടെ പ്രോക്സി ആയി പ്രവർത്തിക്കാനായിരുന്നു ദുര്യോഗം. പ്രധാനമന്ത്രിയെ നിയന്ത്രിക്കുന്ന കിച്ചൻ ക്യാബിനറ്റിന്റെ നിയന്ത്രണങ്ങളിൽ അദ്ദേഹത്തിന്റെ പ്രവർത്തനങ്ങൾ പരിമിതപ്പെടുത്തിയിരുന്നു. അഴിമതിക്കാരായ രാഷ്ട്രീയക്കാർക്ക് തിരിച്ചടിയായ കോടതി ഉത്തരവിനെ മറികടക്കാൻ മൻമോഹൻ സിങിന്റെ ക്യാബിനറ്റ് ഇറക്കിയ ഓർഡിനൻസ് കീറി ചവറ്റുകൊട്ടയിൽ ഇടണമെന്ന് ആ ഓർഡിനൻസിനെ ന്യായീകരിക്കാൻ കോൺഗ്രസ്സ് നടത്തിയ പത്രസമ്മേളനത്തിൽ വലിഞ്ഞുകയറി വന്ന രാഹുൽ ഗാന്ധി നടത്തിയ പ്രസ്താവന മൻമോഹൻ സിങ്ങിനേറ്റ വലിയ അടിയായിരുന്നു. രാജ്യത്തേക്കാൾ രാജാവിനോട് കൂറുപുലർത്തിയ ഭീഷ്മരെ പോലെ ഭാരതത്തേക്കാൾ കോൺഗ്രസ്സ് പാർടിയോടും സോണിയയുടെ കുടുംബത്തോടും ആയിരുന്നു മൻമോഹൻ സിങ് നീതിപുലർത്തിയത്. മരണം വരെ സോണിയ കുടുംബത്തിന്റെ വിശ്വസ്തനായി അദ്ദേഹം തുടർന്നു. ഭാരതത്തിന്റെ സാമ്പത്തിക വളർച്ചയ്ക്ക്...