ഷെറിന് സർക്കാർ ശിക്ഷാ ഇളവ് നൽകുമ്പോൾ

സ്വന്തം ഭർത്തൃപിതാവിനെ കാമുകനൊപ്പം ജീവിക്കാൻ വേണ്ടി കൊലപ്പെടുത്തിയ കേസിൽ വിചാരണക്കോടതി മുന്നു ജീവപര്യന്തം ശിക്ഷ വിധിച്ച കുറ്റവാളിയെ കേവലം 14 വർഷത്തെ ജയിൽ വാസത്തിനു ശേഷം നല്ല നടപ്പിന്റേയും സ്ത്രീ എന്ന പരിഗണനയുടെയും പേരിൽ ശിക്ഷ ഇളവ് അനുവദിക്കാൻ പിണറായി സർക്കാർ തീരുമാനിക്കുന്നതിനു പിന്നെലെ കാരണം എന്താവും?

ഷെറിനും ഭാസ്കര കാരണവരും (ചിത്രത്തിനു കടപ്പാട് കേരളകൗമുദി)

ചെറിയനാട് ഭാസ്കര കാരണവർ വധക്കേസിൽ കുറ്റക്കാരി എന്ന് കണ്ടെത്തി കോടതി മൂന്നു ജീവപര്യന്തം തടവിനു ശിക്ഷിച്ച ഭാസ്കര കാരണവരുടെ മകൻ ബിനു പീറ്ററിന്റെ ഭാര്യ ഷെറിന്റെ ശിക്ഷ ഇളവു ചെയ്യാൻ ഇന്ന് ചേർന്ന മന്ത്രി സഭായോഗം തീരുമാനിച്ചു. ഭാസ്കര കാരണവരെ കൊന്നതുൾപ്പടെ വിവിധ കുറ്റങ്ങൾക്ക്  മൂന്ന് ജീവപര്യന്തം ശിക്ഷയാണ് മവേലിക്കര അതിവേഗ കോടതി വിധിച്ചത്. ഈ ശിക്ഷ ഹൈക്കോടതിയും, തുടർന്ന് 2018 ഏപ്രിൽ 9ന് സുപ്രീംകോടതിയും ശരിവച്ചു. ജീവപര്യന്തം എന്നാൽ ജീവിതാവസാനം വരെ എന്ന് തന്നെ ആണ് നിയമം പറയുന്നത്. ഇവിടെ കൊലപാതകിയായ ഷെറിൻ 14 വർഷത്തെ ജയിൽ‌വാസം പൂർത്തിയാക്കി എന്നതും സ്ത്രീ ആണെന്നതും പരിഗണിച്ചാണത്രേ ഷെറിനു ശിക്ഷയിൽ ഇളവ് അനുവദിക്കാൻ മന്ത്രിസഭായോഗം തീരുമാനിച്ചിത്. 

സ്ത്രീ ആണെന്നത് പരിഗണിക്കാൻ എന്താണ് അവർ ചെയ്ത കുറ്റം? സ്വന്തം കാമുകനോട് ചേർന്ന് ഭർതൃപിതാവിനെ കൊലപ്പെടുത്തി! സ്ത്രീ എന്ന നിലയിൽ പരിഗണിച്ച് ശിക്ഷ ഇളവ് ചെയ്യാവുന്ന അനേകം സാദ്ധ്യതകൾ ഉണ്ട്. സ്ത്രീകളെ ബ്ലാക്ക് മെയിൽ ചെയ്യാൻ ശ്രമിക്കുക, സ്തീയെ പീഡിപ്പിക്കാൻ ശ്രമിക്കുക, അങ്ങനെ ഉള്ള സന്ദർഭങ്ങളിൽ നടത്തുന്ന കൊലപാതകം ആണെങ്കിൽ പ്രത്യേക പരിഗണന നൽകാം. ഇത് അതല്ലല്ലൊ. സ്വന്തം സുഖത്തിനും സ്വത്തിനും വേണ്ടി ഭർത്താവിന്റെ പിതാവിനെ കൊല്ലുക. അതല്ലെ ആ സ്ത്രീ ചെയ്തത്. കഴിഞ്ഞ പതിനാല് വർഷത്തെ ജയിൽ വാസത്തിനിടയിൽ ഈ സ്ത്രീയ്ക്ക് വേണ്ട നിരവധി സഹായങ്ങൾ സർക്കാർ ചെയ്തിട്ടുണ്ട്. ജയിലിൽ ഇവരുടെ പക്കൽ നിന്നും മൊബൈൽ ഫോൺ പിടിച്ചെടുത്തിട്ടുണ്ട്. അങ്ങനെ ഒക്കെയുള്ള കുറ്റവാളിയെ ആണ് "നല്ലനടപ്പിന്റെ" കൂടി പേരിൽ ശിക്ഷ ഇളവ് അനുവദിക്കാൻ സർക്കാർ തീരുമാനിച്ചിരിക്കുന്നത്. അതുകൊണ്ട് ഒരു കാര്യം ഉറപ്പിക്കാം ഈ സ്ത്രീക്ക് പിന്നിൽ പാർടിയ്ക്ക് വളരെ വേണ്ടപ്പെട്ട ആരോ ഉണ്ട്. അതുകൊണ്ടാണ് ഈ ദുർനടപ്പുകാരിയ്ക്ക് നല്ലനടപ്പും സ്ത്രീ എന്ന പരിഗണനയും നൽകി ശിക്ഷ ഇളവ് ചെയ്യാൻ പിണറായി സർക്കാർ തീരുമാനിച്ചത്. 

ഭാസ്കര കാരണവരെ തലയണ കൊണ്ട് ശ്വാസം മുട്ടിച്ച് കൊലപ്പെടുത്തി എന്നാണ് കേസ്. ഈ കേസിൽ ഈ സ്ത്രീയുടെ കൂട്ടുപ്രതികൾ ആയ ബാസിത് അലി, ഷാനു റഷീദ്, നിഥിൻ (ഇവർക്ക് കോടതി വിധിച്ചത് ഇരട്ട ജീവപര്യന്തം ആണ്) എന്നിവർ ഇപ്പോഴും ജയിലിൽ തുടരുന്നുണ്ട്. ഒരേ കേസിൽ കുറ്റവാളികൾ എന്ന് കണ്ടെത്തി കോടതി ശിക്ഷിച്ച പ്രതികളിൽ ഒരാൾക്ക് മാത്രം, അതും ഏറ്റവും കൂടുതൽ ശിക്ഷ ലഭിച്ച ഒന്നാം പ്രതിയ്ക്ക് ശിക്ഷയിളവും മറ്റ് രണ്ട് പേർ ശിക്ഷ തുടർന്നും അനുഭവിക്കുകയും ചെയ്യുന്നത് ഒരാൾ സ്ത്രീ ആയതുകൊണ്ടല്ല, മറിച്ച് പാർടിയ്ക്ക് വേണ്ടപ്പെട്ട ആരോ ഈ കൊലപാതകിയ്ക്ക് പിന്നില് ഉള്ളതുകൊണ്ടാണ് എന്ന് ന്യായമായും സംശയിക്കാം.

ഭാസ്കര കാരണവർ വധക്കേസിൽ കോടതി മൂന്ന് ജീവപര്യന്തം തടവിനു ശിക്ഷിച്ച ഒന്നാം പ്രതിയായ ഷെറിന്റെ ശിക്ഷ ഇളവ് ചെയ്യാനുള്ള പിണറായി സർക്കാർ മന്ത്രിസഭയുടെ തീരുമാനം ബഹുമാനപ്പെട്ട കേരള ഗവർണ്ണർ തള്ളിക്കളയും എന്ന് പ്രതീക്ഷിക്കുന്നു.

(ഈ വിഷയത്തിലെ ഫേസ്ബുക്ക് പോസ്റ്റ് ഇവിടെ കാണാം)